علامــات و اعــراض الادمــــان
مهم انك تعرف مؤشرات الإدمان (سواء على مواد مخدرة، أو سلوكيات خاطئة أو ضارة) عشان تعرف امتى تشك في بداياته، سواء على نفسك أو حد من أسرتك أو صحابك
: تشمل علامات الإدمان
تناول مادة معينة أو ممارسة سلوك ما بكميات أكبر أو لفترة أطول من اللي كنت ناويه
رغبتك في أنك تقلل أو تتوقف خالص عن استخدام المادة دي أو ممارسة السلوك ده، لكنك متقدرش
معظم وقتك بيضيع يا إما في انك تجيب المادة وتستخدمها، أو في ممارسة السلوك ده بدون توقف
الرغبة الشديدة والإلحاح في استخدام المادة أو ممارسة السلوك
متبقاش قادر تقوم بالمطلوب منك سواء في الشغل أو البيت أو المدرسة بسبب تعاطي المخدرات أو ممارسة السلوك
الاستمرار في الاستخدام او الممارسة، حتى بعد ما يسببوا لك مشاكل في علاقاتك مع الآخرين
التخلي عن الأنشطة الاجتماعية والمهنية والترفيهية المهمة في حياتك بسبب تعاطي المخدرات أو الانغماس في السلوكيات
استخدام المواد وممارسة السلوك مرارًا وتكرارًا ، حتى لو اتعرضت حياتك للخطر بسببهم
الاستمرار في الاستخدام او الممارسة، حتى بعد ما تعرف أنها سببت لك مشكلة جسدية أو نفسية أو سببت لك مضاعفات لمشكلة كانت موجودة أصلا
(تبقى محتاج باستمرار إنك تزود جرعة المادة أو ممارسة السلوك عشان تحصل على التأثير اللي انت عاوزه (التحمل
ظهور أعراض الانسحاب لو بعدت عن المخدرات أو السلوك شوية، واللي ما بتخفش إلا عن طريق المزيد من المادة أو السلوك